श्रीराम ते मन्नै मिलादे हनुमान भरोसा तेरा स - MadhurBhajans मधुर भजन

श्रीराम ते मन्नै मिलादे
हनुमान भरोसा तेरा स
हनुमान भरोसा तेरा स
श्रीराम ते मन्नै मिलादे
हनुमान भरोसा तेरा स।।


नजर घुमा क देख लिया ना
कोए जगत में अपणा स
भजन करै न उस ईश्वर का
ऊँ नाम का जपणा स
मेरा ज्ञान का दीप चसादे
मेरी काया बीच अंधेरा स
श्रीराम ते मन्नैं मिलादे
हनुमान भरोसा तेरा स।।


मोह माया के वश में हो क ये
ऋषि सार के हार गये
भेद किसे ने पाया कोना
बड़े बड़े सिर मार गये
भजन करे बिन छुटः कोना
यो चौरासी का फैरा स
श्रीराम ते मन्नैं मिलादे
हनुमान भरोसा तेरा स।।


जिस घर में रहया करां
यो भी त घर म्हारा कोना
दो धेले का माणस हो स
जिसने वक्त बिचारा कोना
यो त कुण कितणे पाणी में
तन्नै सब भक्तां का बैरा स
श्रीराम ते मन्नैं मिलादे
हनुमान भरोसा तेरा स।।









कह मुरारी भजन करै न
ध्यान हरि में लाले न
थोड़े दिना का खेल तमासा
अपणा मन समझा ले न
तुं आ क दर्श दिखादे
म्हारा समचाणे में डेरा स
श्रीराम ते मन्नैं मिलादे
हनुमान भरोसा तेरा स।।


श्रीराम ते मन्नै मिलादे
हनुमान भरोसा तेरा स
हनुमान भरोसा तेरा स
श्रीराम ते मन्नै मिलादे
हनुमान भरोसा तेरा स।।
गायक नरेन्द्र कौशिक।
भजन प्रेषक राकेश कुमार जी
खरक जाटानरोहतक
9992976579

shri ram te manne milade lyrics