सांवरिया म्हे तो टाबर हां कमजोर भजन लिरिक्स - MadhurBhajans मधुर भजन

कांईं थांरा करां म्हे तो कोड
ओ बाबा म्हारै
गोज्यां में नांय जोर
हुं सांची बोलूं
सुणज्यो थे देकर गोर
सांवरिया म्हे तो
टाबर हां कमजोर।।
तर्ज खेलण द्यो गिणगोर।


सुणो म्हारो हेलो जी
काढो कोई गैलो जी
म्हारा सांवरा
ओ म्हारा सांवरा
दुनिया सूं करां कांईं होड
ओ बाबा बडो मुस्किल
है यो दोर
हुं सांची बोलूं कोई तो
बतावो म्हानै तोड़
साँवरिया म्हे तो
टाबर हां कमजोर।।


कोडी न धरोड़ है
लाख न करोड़ है
म्हारा सांवरा
ओ म्हारा सांवरा
खरी खोटी बातां मतना बोल
भावां री तूं तो
गांठड़िया न खोल
हुं सांची बोलूं
प्रेम बडो अनमोल
लाडेसर तू तो
टाबर न कमजोर।।









कांईं थांरा करां म्हे तो कोड
ओ बाबा म्हारै
गोज्यां में नांय जोर
हुं सांची बोलूं
सुणज्यो थे देकर गोर
सांवरिया म्हे तो
टाबर हां कमजोर।।
स्वर शुभम रूपम।
प्रेषक विवेक अग्रवाळ।

sawariya mai to tabar haan kamjor lyrics