रामदेव जी थोने ध्याऊँ बाबा मैं थोने मनाऊं लिरिक्स - MadhurBhajans मधुर भजन

रामदेव जी थोने ध्याऊँ
बाबा मैं थोने मनाऊं
ऊठता प्रभात
बाबा धरु थोरो ध्यान
पछे करू दूजो काम
म्हारे हिवड़े में हो आप
बाबा पल पल करू याद।।


बाबा थोरो ध्यान धरु मैं
हाथ जोड़ने निवण करू मैं
रखजो आशीर्वाद
मापे मेहर करजो आप
बाबा अजमल घर अवतार
माता मैणादे रा लाल
राणी नेतल रा भरतार
लीले घोड़े रा असवार।।


अन्तर्मन सूं करू प्रार्थना
हाचे मन सूं करू विनती
करू मैं अरदास
बाबा करजो नईया पार
बाबा करो म्होरी सहाय
माने राखो चरणा माय
रामदेव आवो म्होरे बेल
धणिया सारो म्होरा काज।।


मैणादे रा लाला थोरी
रुणिचे रा राजा आपरी
लीला है अपार
जिण रो पायो नहीं पार
बाबा जाणे जग संसार
थोरी महिमा है अपार
थोरो परचो जोरदार
बाबा भक्तों रा भगवान।।









भाटी रो संगीत बाजे
गीत सबने प्यारो लागे
गावे गौतम आज
यो गौतम उटाम्बर आज
बाबा थोरा गुणगान
लिखे मेघवाल रामावतार
चाले ममता फ़िल्म रे माय
बाबा रखजो आशीर्वाद।।


रामदेव जी थोने ध्याऊँ
बाबा मैं थोने मनाऊं
ऊठता प्रभात
बाबा धरु थोरो ध्यान
पछे करू दूजो काम
म्हारे हिवड़े में हो आप
बाबा पल पल करू याद।।
लिरिक्स रामवतार मेघवाल।
सिंगर हरकेश बालाच।
6377346986

ramdev ji thane dhyaun baba main thane manau lyrics