परदेशी वीरा ओ बटाऊला वीरा ओ थारी उमर घणी ने दिन थोडा - MadhurBhajans मधुर भजन

परदेशी वीरा ओ बटाऊला वीरा ओ
ओ थारी उमर घणी ने दिन थोडा ओ
थारी उमर घणी ने दिन थोडा।।


सावरे सोना रो थारे सूरज उगीयो
सावरे सोना रो थारे सूरज उगीयो
ओ थारे चढवाने हंसलो घोडलो
परदेशी वीरा
ओ थारे चढवाने हंसलो घोडलो
परदेशी वीरा
ए थारी उमर घणी ने दिन थोडा।।


ओ मात रे पिता ने थारो कुटम कबीलों
मात रे पिता ने थारो कुटम कबीलों
ओ थेतो सबसु नातो जोडीयो
परदेसी वीरा ओ
थेतो सबसु नातो जोडीयो
परदेशी वीरा
ए थारी उमर घणी ने दिन थोडा।।


ओ ऊंची रे मेडी उनरा अदर काकरा
ऊंची रे मेडी उनरा अदर काकरा
ओ उनमें चढवा उतरवा लागे रोयली
परदेसी वीरा ओ
उनमें चढावा उतरवा लागे रोयली
परदेसी वीरा
ए थारी उमर घणी ने दिन थोडा।।









ओ बाई मीरा केवे प्रभु गिरधर रा गुण
ओ बाई मीरा केवे प्रभु गिरधर रा गुण
ओ विन मार्ग में तो मिलीया सावरो
परदेसी वीरा ओ
विन मार्ग मे तो मिलीया सावरो
परदेशी वीरा
ए थारी उमर घणी ने दिन थोडा।।


परदेशी वीरा ओ बटाऊला वीरा ओ
ओ थारी उमर घणी ने दिन थोडा ओ
थारी उमर घणी ने दिन थोडा।।
गायक प्रकाश माली जी।
प्रेषक मनीष सीरवी
9640557818

pardeshi veera thari umar ghani ne din thoda lyrics