ओ रामदेव कुंकुम रा पगल्या मांड्या भजन लिरिक्स - MadhurBhajans मधुर भजन

ओ रामदेव कुंकुम रा पगल्या मांड्या
ओ रामदेव कंकु रा पगल्या मांड्या
लिनो अजमल घर अवतार रामदेव
बीज भादरवा री आविया ओ
हेलो वार तो ओ शनिवार रामदेव
कलयुग रा अवतार ओ जी।।


ओ रामदेव पालनीया आ प्रगटीया
ओ रामदेव पालनीया मे प्रगटीया
बाजी झांजर री झनकार मैणादे
देख अचंभो खावीयो ओ जी
किना अजमल ने समाचार
पालने एडो बालकीयो आवियो ओ जी।।


ओ अजमल कुंकुम रा पगल्या देखने
ओ अजमल कुंकुम रा पगल्या देखने
कर नमन केवे सुन नार बालक ओ
दुजो नही कोई आवियो ओ जी
ओ तो विष्णु रो अवतार आंगनीया
नाथ द्वारिका रा आविया ओ जी।।


ओ मोटा तो विरमदेव ने छोटा रामदेव
ओ मोटा तो विरमदेव ने छोटा रामदेव
खेले जोडे राजकुमार अजमल
मैणादे हर्षाविया जी
गाया घर घर मंगला चार बाया ओ
राम लखन घर आविया ओ जी।।









ओ अजमल किनी भगती साचोडी
ओ अजमल किनी भगती साचोडी
पायो पुत्र रत्न भगवान भाई ओ
धिन धिन भगती अजमलजी री
करे लाल सिंह प्रणाम भाई ओ
जय जय रामापीर जी ओ।।


ओ रामदेव कुंकुम रा पगल्या मांड्या
ओ रामदेव कंकु रा पगल्या मांड्या
लिनो अजमल घर अवतार रामदेव
बीज भादरवा री आविया ओ
हेलो वार तो ओ शनिवार रामदेव
कलयुग रा अवतार ओ जी।।
गायक महेंद्र सिंह जी राठौर।
प्रेषक मनीष सीरवी।
रायपुर जिला पाली राजस्थान
9640557818

o ramdev kumkum ra pagalya mandiya lyrics