म्हे तो कर लिया था पे विश्वास भजन लिरिक्स - MadhurBhajans मधुर भजन

म्हे तो कर लिया
था पे विश्वास
ओ बाबा आंख्या मीच के
ओ बाबा आंख्या मीच के।।
तर्ज संतो सुरगा सु आयो है।


भलो बुरो अब जो कुछ भी है
सब कुछ थारें हाथ
म्हे तो कछु जाणा नहीं बाबा
थे जाणो म्हारा नाथ
म्हारे जीवन की डोरी बाबा श्याम
राखिज्यो हरदम खींच के।।


कस के पाँव पकड़ लिया थारा
अब छोड़या नहीं जाए
और कोई भी नहीं है म्हारो
बाबा थारे सिवाय
ओ म्हाने लेवो थे हिवड़े लगाय
ओ बाबा बाँथी भींच के।।









थारे बाग का फूल हाँ बाबा
थे ही ऐ का माली
कोई डर अब नहीं सतावे
श्याम करे रखवाली
राखो अरविन्द को हर्यो भर्यो परिवार
थे प्रेम को पाणी सींच के।।


म्हे तो कर लिया
था पे विश्वास
ओ बाबा आंख्या मीच के
ओ बाबा आंख्या मीच के।।

mhe to kar liya thape vishwas lyrics