म्हारे घर में आज पधारो जी गणनायक महाराज भजन लिरिक्स - MadhurBhajans मधुर भजन

म्हारे घर में आज पधारो जी
गणनायक महाराज
म्हारा गणनायक महाराज
म्हारा लम्बोदर महाराज
म्हारा सगळा काज सुधारो जी
गणनायक महाराज
म्हारे घर मे आज पधारो जी
गणनायक महाराज।।
तर्ज म्हारो बेडो पार लगा दीज्यो।


थारे पहल्या पोत मनावा
थारे चरणा शीश नवावा
म्हाने थारो एक सहारो जो
गणनायक महाराज
म्हारे घर मे आज पधारो जी
गणनायक महाराज।।


थे मुसे चढ़के आओ
थे रिद्धि सिद्धि सागे ल्याओ
म्हारी बिगड़ी आज सवारों जी
गणनायक महाराज
म्हारे घर मे आज पधारो जी
गणनायक महाराज।।









म्हे थारो ध्यान लगावा
म्हे थारी किरपा चावा
थे म्हारी ओर निहारो जी
गणनायक महाराज
म्हारे घर मे आज पधारो जी
गणनायक महाराज।।


थे मत ना देर लगाओ
बेगा बेगा थे आओ
म्हारी विनती आज स्वीकारो जी
गणनायक महाराज
म्हारे घर मे आज पधारो जी
गणनायक महाराज।।


म्हारे घर में आज पधारो जी
गणनायक महाराज
म्हारा गणनायक महाराज
म्हारा लम्बोदर महाराज
म्हारा सगळा काज सुधारो जी
गणनायक महाराज
म्हारे घर मे आज पधारो जी
गणनायक महाराज।।
स्वर राजू मेहरा जी।

mhare ghar me aaj padharo ji gannayak maharaj lyrics