मत ले समाधि डालाबाई मत ले समाधि भजन लिरिक्स - MadhurBhajans मधुर भजन

मत ले समाधि डालाबाई
मत ले समाधि
थारी छोटी सी ऊमर में
काई रंग लाग्यो डालाबाई ये
मत ले समाधि ये।।


हतायाँ में बेठा राजा
अजमल जी बरजे
म्हारी पाचाँ वाली लाज
थे तो राखो डालाबाँई ये
मत ले समाधि ये
डालाबाँई मत ले समाधि ये।।


रसोया मे बेठी माता
मेणादे बरजे
म्हारी घूंघट वाली लाज
थे तो राखो डालाबाँई ये
मत ले समाधि ये
ओ डालाबाँई मत ले समाधि ये।।


लीले री असवारी बाबो
रामदेव जी बरजे
म्हारी भाला वाली लाज
थे तो राखो डालाबाँई
मत ले समाधि ये
ओ डालाबाँई मत ले समाधि ये।।









हरि के चरणाँ मे भाटी
हरजी बोले
म्हारी बाना वाली
लाज तेथो राखो डालाबाँई
मत ले समाधि ये
ओ डालाबाँई मत समाधि ये।।


मत ले समाधि डालाबाई
मत ले समाधि
थारी छोटी सी ऊमर में
काई रंग लाग्यो डालाबाई ये
मत ले समाधि ये।।
गायक प्रेषक मनोहर परसोया।

mat le samadhi dalabai mat le samadhi ye lyrics