मरूधर में बापजी पेहरा देवे बाबा रामदेव भजन लिरिक्स - MadhurBhajans मधुर भजन

धोरा में बाजे घोडलिये रा पोड
मरूधर में बापजी पेहरा देवे
भादुडे में चढे नाचण री हिलोर
मरूधर में बापजी पेहरा देवें।।


भेरुडे ने मार बापजी
धरती रो पाप मिटायो
सेठ सेठाणी रस्ते जावता
चोरा आय डरायो
पोड ऐसा बाज्या घोड़े रा
भाज्या रण ने छोड़
मरूधर में बापजी पेहरा देवें।।


कर्मा रा फल बोहिते न लाग्या
डुबत जहाज तिराई
ले मिश्री बिणजारो आयो
मिश्री न लूण बताई
मिश्री रो बाबे लुण बणायो
आयो बिणजारो दोड
मरूधर में बापजी पेहरा देवें।।


हरि भक्ती रुपा दे किन्ही
थाली मे बाग लगायो
हरजी भाटी महीमा जाणी
घर घर जुमलो जगायो
डाली बाई ईकतारो बजायो
मोह माया न छोड
मरूधर में बापजी पेहरा देवें।।









हरजी भाटी जल सेवा समिती
रामसिंग पुर वाला आव
खाजुवाले रो केवे मामराज बाबा
अब तो दर्श दिखादे
बेगा बेगा आओ बापजी
सब भक्ता ने लोड
मरुधर में बापजी पेहरा देवें।।


धोरा में बाजे घोडलिये रा पोड
मरूधर में बापजी पेहरा देवे
भादुडे में चढे नाचण री हिलोर
मरूधर में बापजी पेहरा देवें।।



916376062369

marudhar me bapji pehra deve lyrics