मायड़ आया जी मरूधर देश में माता भजन राजस्थानी - MadhurBhajans मधुर भजन

मायड़ आया जी मरूधर देश में
ओ नागाणे माँ नागणेच्या ओ जी ओ
नागाणे माँ नागणेच्या ओ जी
चहु खंड हुवो जग मे चांदनो रे
दिवले जगमग ज्योता जागी ओ जी
दिवले जगमग ज्योता जागी ओ जी।।


गढ रे कन्नौज में माता आविया रे
राव धूडजी रे साथे ओ जी ओ
राव धूडजी रे साथे ओ जी
गढ रे नगाणे प्रकट हो गया रे
भाकर फोड ने भवानी ओ जी
ओ भाकर फोड ने भवानी ओ जी।।


दर्शन दिया सिहोजी राव ने रे
पाली मारवाड़ रे माई ओ जी ओ
पाली मारवाड़ रे माई ओ जी
पूजे राठौड़ मैया आपने रे
झिलमि ज्योता जगाई ओ जी ओ
झिलमिल ज्योता जगाई ओ जी।।


ओ सिवरे माता रे बामण बनीया रे
ध्यावे लोक छत्तीसौ थाने ओ जी ओ
ध्यावे लोक छत्तीसौ थाने ओ जी ओ
लाडू चढावे थाने खोपरा ओ माता
मेवा ने मिठाई ओ जी ओ
माता मेवा ने मिठाई ओ जी।।









मेलो भरीजे भरीये भादवे रे आसोज
नोरता रे माई ओ जी
आसोज नोरता रे माई ओ जी
ओ दूरा देशारा आवे जातरू ओ
माता नागाणा रे माई ओ जी ओ
माता नागाणा रे माई ओ जी।।


नोपत नगाडा बाजे देवरे ओ
माता आरतीया री वेला ओ जी ओ
माता आरतीया री वेला ओ जी ओ
दोई कर जोड्या करू विनती रे
अर्जुन चरना रे माई ओ जी ओ
अर्जुन चरना रे माई ओ जी।।


मायड़ आया जी मरूधर देश में
ओ नागाणे माँ नागणेच्या ओ जी ओ
नागाणे माँ नागणेच्या ओ जी
चहु खंड हुवो जग मे चांदनो रे
दिवले जगमग ज्योता जागी ओ जी
दिवले जगमग ज्योता जागी ओ जी।।
गायक प्रकाश माली जी सोनू जोशी।
प्रेषक मनीष सीरवी
9640557818

maayad aaya ji marudhar desh me lyrics