कोई गाँव गोगला माय मैया आधी शक्ति बिराजीया - MadhurBhajans मधुर भजन

कोई गाँव गोगला माय
मैया ए आधी शक्ति बिराजीया
कोई सारे भगता रा काज मैया ए
थाने तो खाती सिवरे
कोई जल भरती पनिहार मैया ए
आरन पर लौहार सिवरे
कोई आवे रे नर ओर नार मैया ए
सिवरे रे बेटो जाट रो
थाने निवन करे नर नार मैया ए
गाँव गोगला मायने
म्हारी आधी शक्ति मात मैया ए
थारी महिमा जोर री।।


ए कोई पहाडा रे बीच मे आज
मन्दिर बनीयो जोर रो
थारी महिमा अपरंपार मैया ए
आधी शक्ति आप हो
कोई थे हो मोटा मात मैया ए
भेरू मनावा चोवटे थाने
सिवरा मै दिन ओर रात मैया ए
आधी शक्ति आपने
कोई निवन करे नर नार मैया ए
दर्शन दीजो आयने
थारा सेवक ऊबो द्वार मैया ए
सेवक ने दर्शन देवो।।


ए कोई नवरात्रि रे माय मैया ए
ढोल नगाडा बाजता
कोई गरबे रमवा आय मैया ए
आधी शक्ति आप हो
कोई भगता री इतकार मैया ए
लाल चुनडीया लावसु ए
ओडो मोटी मात मैया ए
थारे तो कुंकुम लावसा मै
तिलक मोटी मात मैया ए
आधी शक्ति साम्भलो कोई
इन कलयुग रे माय मैया ए
सेवक ऊबा अरज करे।।


ए कोई डाकन भूतन
निकल जाय मैया ए
रोगी तो निरोगी बने
परचो मोटो मात मैया ए
दवर प्रकाश जी अरज करे
थाने सुनो आधी शक्ति आप मैया ए
भगता रा कारज सारो
मै पुजुँ दिन ओर रात मैया ए
थारो कहिजे आसरो
मै आया थारे द्वार मैया ए
मोटी कहिजो मावडी रे म्हारी
आधी शक्ति मात मैया ए
सेवक ऊबा अरज करे।।









ए कोई सिवरे दिन ने रात मैया ए
आधी शक्ति पधार जो
कोई सेवक रे आंगन माय मैया ए
थारी तो सेवा करा
थाने पूजा दिन ओर रात मैया ए
एक घडी भूलू नही म्हारी
आधी शक्ति मात मैया ए
गाँव गोगला री मावडी
थारो सुन्दर बनीयो धाम मैया ए
मन री इच्छा पूरी करो
म्हारी गाँव गोगला री माय मैया ए
शरने थारे आवियो।।


ए कोई पैदल आवे नर नार मैया ए
जयकारा गूंजे जोर रा
कोई गाँव गोगला माय मैया ए
नाचे नर ओर नार ए
थारे आरतीया रे माय मैया ए
रविवार री आरती कोई
पूजा करूँ दिन रात मैया ए
सेवक री अरजी साम्भलो
मै दुखी खड़ा नर नार मैया ए
आधी शक्ति साम्भलो थाने
पूजा दिन ओर रात मैया ए
सेवक ऊबा अरज करे।।


ए कोई दवर प्रकाश जी आज मैया ए
भगतो रा कारज सारे
थे धरीयो सिर पर हाथ मैया ए
आधी शक्ति मावडी
थारो धाम है अपरम्पार मैया ए
श्याम पालीवाल गावतो
कोई गाँव गोगला माय मैया ए
म्हारे पर किरपा करो
थे राखो छत्तर छाव मैया ए
गाँव गोगला मायने
थारो सेवक करे अरदास मैया ए
सेवक री थे अरज सुनो।।


कोई गाँव गोगला माय
मैया ए आधी शक्ति बिराजीया
कोई सारे भगता रा काज मैया ए
थाने तो खाती सिवरे
कोई जल भरती पनिहार मैया ए
आरन पर लौहार सिवरे
कोई आवे रे नर ओर नार मैया ए
सिवरे रे बेटो जाट रो
थाने निवन करे नर नार मैया ए
गाँव गोगला मायने
म्हारी आधी शक्ति मात मैया ए
थारी महिमा जोर री।।
गायक श्याम पालीवाल जी।
प्रेषक मनीष सीरवी।
रायपुर जिला पाली राजस्थान
9640557818

koi gaon gogla maay maiya aadishakti birajiya lyrics