कलयुग माई परचा अपरम्पार रामदेव जी भजन लिरिक्स - MadhurBhajans मधुर भजन

कलयुग माई परचा अपरम्पार रामदेव
कलयुग माई परचा अपरम्पार
मन्दिर सुहानो खेड़ा मायने ओ जी हा
अरे दर्शन दिना सपना माई आय रामदेव
दर्शन दिना सपना माई आय
आप पधार्या बूढा विप्र के ओ जी हा।।


भगत जागीया आल ने जंजाल रामदेव
भगत जागीया आल ने जंजाल
फेकियो कांकरियो आंधो कर दियो रे ए जी हा
गलती मारी कर दिजो थे माफ रामदेव
गलती मारी कर दिजो थे माफ
घोडो अवार्यो खुलगी आँखीया ओ जी हा।।


मिन्दर मारो दिजे तू चुनाय भगतजी
मिन्दर मारो दिजे तू चुनाय
जगह बतायी बाबो आयने ओ जी हा
रूपीया कोनी बाबा मारे पास बापजी
रूपीया कोनी बाबा मारे पास
किकर बनावु थारो देवरो ओ जी हा।।


मूरत लाया जयपुर सु घडवाय भाईडा
मूरत लाया जयपुर सु घडवाय
मिन्दर बनायो रामापीर को ओ जी हा
बाबो मारो दुखीयो रो दातार बापजी
बाबो मारो दुखीया रा दातार
शरने आयो री पूरे कामना ओ जी हा।।









फेपसिंह है थारे चरना रो दास बापजी
फेपसिंह है थारे चरना रो दास
सेवा करावे निशदिन आपरी ओ जी हा
बाबा माने थारो है विशवास रामदेव
बाबा माने थारो है विशवास
हेलो सुनता ही वेगा आवजो ओ जी हा।।


कलयुग माई परचा अपरम्पार रामदेव
कलयुग माई परचा अपरम्पार
मन्दिर सुहानो खेड़ा मायने ओ जी हा
अरे दर्शन दिना सपना माई आय रामदेव
दर्शन दिना सपना माई आय
आप पधार्या बूढा विप्र के ओ जी हा।।
गायक प्रकाश माली जी।
प्रेषक मनीष सीरवी
9640557818

kalyug maai parcha aparampar ramdev lyrics