कलजुग झाला देतो आवे रे चौडे धाडे भजन लिरिक्स - MadhurBhajans मधुर भजन

कलजुग झाला देतो आवे रे चौडे धाडे
ए कलयुग झाला देतो आवे रे चौडे धाडे
चौडे धाडे ओ कलजुग हेला मारे
चौडे धाडे ओ कलजुग हेला मारे
कलयुग झाला देतो आवे रे चौडे धाडे।।


सतयुग त्रेतायुग द्वापर कि उठ रित पुराई
कान खोल सुनले भाया कलजुग री चतुराई
के सारा के सारा एकन लारे हो गया रे चौडे धाडे
के सारा एकन लारे हो गया रे चौडे धाडे
चौडे धाडे ओ कलजुग हेला मारे
चौडे धाडे ओ कलजुग हेला मारे
कलयुग झाला देतो आवे रे चौडे धाडे।।


बात सुने मुंडे नी बोले माँ का जाया भाई
सारा झूठा करे मुकदमा अदालत रे माई
के जिनसु के जिनसु मोती रिश्वत देवेरे चौडे धाडे
मोती रिश्वत देवे रे चौडे धाडे
चौडे धाडे ओ कलजुग हेला मारे
चौडे धाडे ओ कलजुग हेला मारे
कलयुग झाला देतो आवे रे चौडे धाडे।।


दुःख देखने जाकर करी थाने माई पुकार
उल्टी दोष बतावे मुंशी पुलिस थानेदार
ज्याने ज्याने रोकडीया गिनवावे रे चौडे धाडे
ज्याने रोकडीया गिनवावे रे चौडे धाडे
चौडे धाडे ओ कलजुग हेला मारे
चौडे धाडे ओ कलजुग हेला मारे
कलयुग झाला देतो आवे रे चौडे धाडे।।









बेटा ने परणायो बिन्दनी अली गली मे डोले
काम काज रो केवे तो सासु सु करडी बोले
के बेटा के बेटा बाप ने धमकावे रे चौडे धाडे
के बेटा बाप ने धमकावे रे चौडे धाडे
चौडे धाडे ओ कलजुग हेला मारे
चौडे धाडे ओ कलजुग हेला मारे
कलयुग झाला देतो आवे रे चौडे धाडे।।


देखो रे कलजुग री छाया मर्दा मूंछ मंडाय
बालम जिनरा भोला भाला बी ए पास लुगाई
के सिर पर के सिर पर दो दो चोटी राखे रे चौडे धाडे
के सिर पर दो दो चोटी राखे रे चौडे धाडे
चौडे धाडे ओ कलजुग हेला मारे
चौडे धाडे ओ कलजुग हेला मारे
कलयुग झाला देतो आवे रे चौडे धाडे।।


इन कलजुग री रचना देखने एडी बात बनाई
कलम उठाने लिख दियो भाई बूरो मानजो नाही
ए मंगनो ए मंगनो भजन बनायो गावे रे चौडे धाडे
के मंगनो भजन बनायो गावे रे चौडे धाडे
चौडे धाडे ओ कलजुग हेला मारे
चौडे धाडे ओ कलजुग हेला मारे
कलयुग झाला देतो आवे रे चौडे धाडे।।


कलजुग झाला देतो आवे रे चौडे धाडे
ए कलयुग झाला देतो आवे रे चौडे धाडे
चौडे धाडे ओ कलजुग हेला मारे
चौडे धाडे ओ कलजुग हेला मारे
कलयुग झाला देतो आवे रे चौडे धाडे।।
गायक प्रकाश माली जी।
प्रेषक मनीष सीरवी
9640557818

kaljug jhala deto aave re rajasthani bhajan lyrics