हंसला उड़ जा हंस वाली चाल लिरिक्स - MadhurBhajans मधुर भजन

हंसला उड़ जा
उड़ जा हंस वाली चाल
बुगलां री चाल्यां हंसला छोड़ दे।।


हंसला चुगले चुगले
मोतीड़ां रो चूंण
मच्छीयां नें खाणी हंसा छोड़ दे।।


हंसला बोलो बोलो
कोयल जेड़ा बोल
कांगा री बोली हंसा छोड़ दे।।


हंसला नहा ले नहा ले
समुदरीयां रे मांय
छीलर रो न्हाणो हंसा छोड़ दे।।









हंसला बैठो बैठो
सत री संगत रे मांय
पापीड़ां रो संग हंसा छोड़ दे।।


हंसला बोल्या बोल्या
सन्त कबीर
भजनां में मनड़ो जोड़ दे।।


हंसला उड़ जा
उड़ जा हंस वाली चाल
बुगलां री चाल्यां हंसला छोड़ दे।।
गयाक प्रेषक बाबू साध खुडाणी।
8094793506

hansla ud ja hans wali chaal lyrics