गाँव रूनीचे देवरो बाबा ध्वजा फरूके असमान सवायो लागे देवरो - MadhurBhajans मधुर भजन

गाँव रूनीचे देवरो बाबा
थारी ध्वजा फरूके असमान
सवायो लागे देवरो
थारी ध्वजा फरूके असमान
सवायो लागे देवरो।।


अजमल रे घर आविया
ओ बाबा अजमल रे घर आविया
थे तो मोहन कृष्ण मुरार
सवायो लागे देवरो
ओ थे तो मोहन कृष्ण मुरार
सवायो लागे देवरो।।


रामसरोवर पाल माथे बाबा
रामसरोवर पाल माथे
थारो साचो है दरबार
सवायो लागे देवरो
ओ थारो साचो है दरबार
सवायो लागे देवरो।।


दर्शन करवा जातरी ओ बाबा
दर्शन करवा जातरी
थारे आवे दिन और रात
सवायो लागे देवरो
थारे आवे दिन ओर रात
सवायो लागे देवरो।।









माता मैणादे रा लाडला
ओ बाबा माता मैणादे रा लाडला
रानी नेतल रा भरतार
सवायो लागे देवरो
ओ रानी नेतल रा भरतार
सवायो लागे देवरो।।


ढोल नगाडा नोपता बाबा
ढोल नगाडा नोपता
बाजे झालर री झनकार
सवायो लागे देवरो
ओ बाजे झालर री झनकार
सवायो लागे देवरो।।


मास भादवे मेलो भरीजे बाबा
मास भादवे मेलो भरीजे
माने दर्शन री है आस
सवायो लागे देवरो
ओ माने दर्शन री है आस
सवायो लागे देवरो।।


ऊंच नीच रो भेद मिटायो बाबा
ऊंच नीच रो भेद मिटायो
थे हो निकलंक नेजाधार
सवायो लागे देवरो
थे हो निकलंक नेजाधार
सवायो लागे देवरो।।


दास अशोक री विनती ओ बाबा
दास अशोक री विनती
मारी नैया लगा दिजो पार
सवायो लागे देवरो
मारी नैया कर दिजो पार
सवायो लागे देवरो।।


गाँव रूनीचे देवरो बाबा
थारी ध्वजा फरूके असमान
सवायो लागे देवरो
थारी ध्वजा फरूके असमान
सवायो लागे देवरो।।
गायक प्रकाश माली जी।
प्रेषक मनीष सीरवी
9640557818

825

gaon runiche devro thari dwaja farukhe asman lyrics