दादी खोल दे खजानो थारा टाबर आया भजन लिरिक्स - MadhurBhajans मधुर भजन

दादी खोल दे खजानो
थारा टाबर आया ऐ
दोन्यू हाथां माँ लुटावे
लूटन आया ऐ
दादी खोल दे खजानों
थारा टाबर आया ऐ।।
तर्ज धमाल।


भादूड़ो महीनो प्यारो
चंग सुरीला बाजे रे
मंदरिये मैं झूम झूम के
नाचन आया रे
दादी खोल दे खजानों
थारा टाबर आया ऐ।।


बैठी माँ दरबार लगाके
सेठानी कूहावे ऐ
थारा टाबर थारी किरपा
पावन आया ऐ
दादी खोल दे खजानों
थारा टाबर आया ऐ।।









हौले हौले बून्द पड़े माँ
सावन भादो बरसे रे
भजना की बरखा मैं भी
नहावन आया ऐ
दादी खोल दे खजानों
थारा टाबर आया ऐ।।


इबके झोली भरदे दादी
फेरू दौडया आवा ऐ
कुल की देवी थासु अर्जी
लगावन आया ऐ
दादी खोल दे खजानों
थारा टाबर आया ऐ।।


माल खजाना भरया पड़या माँ
जा पर तेरो पहरो ऐ
हर्ष दया की भीख भवानी
माँगन आया ऐ


दादी खोल दे खजानों
थारा टाबर आया ऐ।।


दादी खोल दे खजानो
थारा टाबर आया ऐ
दोन्यू हाथां माँ लुटावे
लूटन आया ऐ
दादी खोल दे खजानों
थारा टाबर आया ऐ।।

dadi khol de khajano lyrics