भादुड़ो भालो आयो रे चालो भगता परसाणे - MadhurBhajans मधुर भजन

भादुड़ो भालो आयो रे
म्हारो मनड़ो हर्षायो रे
दादोजी रो दिनड़ो आयो रे
ओ मेळो भारी आयो रे
आयी आयी भादुड़े री चौथ
चालो परसाणे चालो भगता परसाणे।।


परसाणे में दादो अवतारी
सुखी बाई दादा माता थारी
सुखी बाई दादा माता थारी
हरजीराम है तात चालो परसाणे
चालो भगता परसाणे।
आयी आयी भादुड़े री चौथ
चालो परसाणे चालो भगता परसाणे।।


बालाजी रा प्रेम पुजारी
अखाराम जी नाम पुकारी
अखाराम जी नाम पुकारी
जीवू बाईसा रा भ्रात चालो परसाणे
चालो भगता परसाणे।
आयी आयी भादुड़े री चौथ
चालो परसाणे चालो भगता परसाणे।।


ऊँचे धोरे थारो मन्दिर सोवै
दादा थारी मूरत म्हारो मन मोहे
दादा थारी मूरत म्हारो मन मोहे
दादोजी बालाजी दोन्यु साथ चालो परसाणे
चालो भगता परसाणे।
आयी आयी भादुड़े री चौथ
चालो परसाणे चालो भगता परसाणे।।









पान्चयु तिथि थारी आयी भारी
दूर दूर स्यू आवे नर नारी
दूर दूर स्यू आवे नर नारी
टाबरिया री कैणी काई बात चालो परसाणे
चालो भगता परसाणे।
आयी आयी भादुड़े री चौथ
चालो परसाणे चालो भगता परसाणे।।


खीर चुरमां रो भोग लगावा
ध्वजा नारियल भेंट चढ़ावा
ध्वजा नारियल भेंट चढ़ावा
घीरत मिठाई भांत भांत चालो परसाणे
चालो भगता परसाणे।
आयी आयी भादुड़े री चौथ
चालो परसाणे चालो भगता परसाणे।।


ओम राणा दादा परसाणे आवै
अखाराम जी रा भजन सुणावे
अखाराम जी रा भजन सुणावे
राखो पोता रे माथै हाथ चालो परसाणे
चालो भगता परसाणे।
आयी आयी भादुड़े री चौथ
चालो परसाणे चालो भगता परसाणे।।


भादुड़ो भालो आयो रे
म्हारो मनड़ो हर्षायो रे
दादोजी रो दिनड़ो आयो रे
ओ मेळो भारी आयो रे
आयी आयी भादुड़े री चौथ
चालो परसाणे चालो भगता परसाणे।।





9001201051

chalo bhakto parsane lyrics