बागा हाला मोरिया ओल्यू सांवरिया री बहुत सताए लिरिक्स - MadhurBhajans मधुर भजन

बागा हाला मोरिया
ओल्यू सांवरिया री बहुत सताए
संदेशो पहुंचा दे
ओल्यू सांवरिया री बहुत सताए
संदेशो पहुंचा दे।।

तर्ज चूड़ी जो खनकी।


फागण जद भी आवे है
हिवड़ो भी हर्षावे है
उत्सव रो आनंद घणो
खुशियां ही खुशियां छावे है
पगलिया बाँधु पैंजनी रे
पगलिया बाँधु पैंजनी
जो तू सांवरिये से देय मिलाय
संदेशो पहुंचा दे।।


छम छम करते जाजे तू
सांवरिये ने ल्याजे तू
साँची प्रीत निभा जे तू
मत ना देर लगा जे तू
सोना से मंडद्या चोंच ने रे
सोना से मंडद्या चोंच ने
जे तू सांवरिये री रटन लगाय
संदेशो पहुंचा दे।।


और कहूँ के सब जाणे
मन री बातां पहचाने
बाबा जी से के छानी
लहरी महिमा जग जानी
हिरा माणक मोतियां रे
हिरा माणक मोतियां
तने पहराऊं जो बाबा से मिलाय


संदेशो पहुंचा दे।।









बागा हाला मोरिया
ओल्यू सांवरिया री बहुत सताए
संदेशो पहुंचा दे
ओल्यू सांवरिया री बहुत सताए
संदेशो पहुंचा दे।।
स्वर उमा लहरी जी।

baga hala moriya lyrics