आयो फागण मेलो बाबो मारे हेलो भजन लिरिक्स - MadhurBhajans मधुर भजन

आयो फागण मेलो
बाबो मारे हेलो
खाटू धाम चालो
भगता ने संग लेलो
खाटू धाम चालो
भगता ने संग लेलो।।


फागणियो रंगीलो महीनो
बहुत लागे प्यारो
मंदरिये में होली खेलां
सागे खाटू वारो
केशर रंग पिचकारी
लाल गुलाल उड़ेलो
खाटू धाम चालो
भगता ने संग लेलो।।


जमघट माचे आँगणिए में
नाचा कूदा ज़ोर से
टोलिया की टोलि आवे
जयकारा बोले जोर से
ढोलक ढप और झांझ बाजे
साथ में नगाडो
खाटू धाम चालो
भगता ने संग लेलो।।


लागे है दरबार ऐसो
बाबे की सरकारी में
फरियादी है रकम रकम का
आ कि ताबेदारी में
होवे है सुनवाई
थे भी अर्जी दे लो
खाटू धाम चालो
भगता ने संग लेलो।।









शरणागत का संकट बाबा
से ना देख्या जावे
दुखिया का संताप बाबो
पल में मिटावे
ऐसो है दयालु
श्याम खाटू वारो
खाटू धाम चालो
भगता ने संग लेलो।।


के सोचे है बावला
कर ले खाटू की तयारी
श्याम धणी का दर्शन करस्या
दुविधा मिट ज्या सारी
बहुत ही बेगी रिझे
श्याम खाटू वारो
खाटू धाम चालो
भगता ने संग लेलो।।


ओड बड़े संसार माही
थारो ही आधार है
बाबा म्हारी लाज राखिए
टाबर की पुकार है
सेवकियो पुकारे
सबने गले लगा लो


खाटू धाम चालो
भगता ने संग लेलो।।


आयो फागण मेलो
बाबो मारे हेलो
खाटू धाम चालो
भगता ने संग लेलो
खाटू धाम चालो
भगता ने संग लेलो।।

aayo fagan melo babo maare helo lyrics